Շաբաթօրյակ

Ապրիլի 20-ին ԱԱՄ  «Հայրենյաց պաշտպան» երիտասարդական  թևի անդամներն  Արցախի պետական համալսարանի մի շարք ուսանողների հետ մեկնեցին Դաշուշեն և հանդես եկան ընդօրինակման արժանի  նախաձեռնությամբ: Սուրբ Խաչի  շրջակայքում անցկացվեց շաբաթօրյակ: Այն կայացավ ըստ  նախանշված ծրագրի և հավուր պատշաճի:

Հարկ է նշել, որ այսօրինակ նախաձեռնությամբ հայրենյաց պաշտպանները հանդես են գալիս ոչ առաջին անգամ, ինչը թույլ է տալիս ասելու, որ կազմակերպության կողմից որդեգրած նման աշխատելաոճն արդեն դարձել է բարի ավանդույթ:

Ակցիային իր մասնակցությունն ունեցավ նաև  մեր հայրենակից ու բարեկամ, մոսկվայաբնակ Դավիթ Անտոնյանը:Թեկուզ նա ապրում է հայրենիքից հեռու, բայց հոգում մշտարթուն է կարոտի կրակը, որով մոտենում է երկրի արմատներին:Բարեգործությունն էլ՝ հայրենասիրություն է:

Նա ապրում է Արցախով:Եվ հանուն Արցախի պայծառ ապագայի պատրաստ է անմնացորդ նվիրվել:

Արցախի ազատամարտիկների միության վարչությունն իր  ջերմ շնորհակալությունն ու երախտագիտությունն է հայտնում Դավիթ Անտոնյանին:

Բարեկարգ, մաքուր ու կոկիկ շրջապատ ունենալը սիրում ենք բոլորս:Մատաղ սերնդի դաստիարակության հիմքում  առողջ կենսաձևն է: Իսկ առողջ կենսաձևը՝  մաքուր շրջապատ ունենալն է:Պահպանենք մեր բնությունը՝հայրենի հողի դիմագիծը, քանզի  նրա ամեն մի մասնիկի համար արյուն է թափվել: