Ոչ ոք և ոչինչ չի մոռացվում

Վերջերս, ՊԲ հրետանային զորամասերից մեկում, հավաքվել էին 82մմ  առանձին   ականանետային  դիվիզիոնի նախկին ազատամարտիկները և այսօրվա երիտասարդ սպայական կազմը՝ նշելու դիվիզիոնի կազմավորման 25-րդ տարեդարձը: Հավաքվել էին խոսելու՝  տարած հաղթանակներից, մեր ձեռքբերումներից, հիշելու՝ ազատության ճանապարհին մարտիրոսվածներին: Միջոցառմանը ներկա էր ԱԱՄ ներկայացուցչությունը՝ աշխատակազմի ղեկավար Էդուարդ Խաչատրյանի գլխավորությամբ: Նա  միության նախագահ, գեներալ-մայոր Սամվել Կարապետյանի  անունից շնորհավորեց ներկաներին, ապա հրապարակեց միության վարչության որոշումը, որի համաձայն 82մմ առանձին ականանետային դիվիզիոնի կազմավորման 25-րդ տարեդարձի և հասարակական ակտիվ գործունեության համար մի շարք ազատամարտիկներ պարգևատրվեցին <<Հայրենյաց պաշտպան>> մեդալներով, պատվոգրերով, հուշանվերներով:

Վերջում միջոցառման մասնակիցներն  այցելեցին Եղբայրական գերեզմանոց և ծաղիկներ խոնարհեցին իրենց մարտընկերների հիշատակին: