Արցախի ազատամարտիկների միությունը, որ երեկվա պատերազմի մասնակիցներին համախմբող հասարակական կազմակերպությունն է իր ստեղծման առաջին իսկ օրից գործունեության կարևոր ուղղություններից մեկն է ընտրել նյութապես ու բարոյապես աջակցել զոհված ազատամարտիկների ընտանիքներին, հաշմանդամ մարտընկերներին և ընդհանրապես պատերազմն անցած ու այսօր սոցիալ կենցաղային ծանր վիճակում գտնվող քաղաքացիների ընտանիքներին: Հարկ է նշել, որ միության նախագահին դիմում էին տարբեր հարցերով.առողջության վերականգնման,բնակարանի վերանորոգման և այլն:
Միայն անցած երեք ամիսների ընթացքում Արցախի ազատամարտիկների միության նախագահ գեներալ-մայոր Սամվել Կարապետյանը 238 քաղաքացիների դիմումներին տվել է դրական լուծում՝ հատկացնելով 17մլն. 534 000 դրամ նյութական օգնություն: Բացի դրանից, Մարտունու և Հադրութի շրջանների տարածքային միավորումների մի շարք պահեստազորի սպաների բնակարանների նորոգման համար հատկացվել է շինանյութեր 5մլն. 371 000 դրամ արժողությամբ:Վանք գյուղի Գուրգեն Հայրապետյանի անվան ավագ դպրոցի զոհված ազատամարտիկների հիշատակին նվիրված Փառքի սրահի վերանորոգման աշխատանքների համար ցուցաբերվել է դրամական աջակցություն:
Այն որ արցախյան գոյապայքարի նվիրյալների հիշատակը հավերժացնող հուշարձաններ խաչքարեր, քարե կոթողներ կառուցելը բոլորիս պարտքն ու ներկայի հրամայականն է անվիճելի է: Ընթացքի մեջ է Առաջաձոր գյուղի հուշահամալիրի կառուցման աշխատանքները, որոնց աջակցել է Արցախի ազատամարտիկների միությունը՝ այդ նպատակով հատկացնելով 2 000 000 դրամ գումար:
Ազատամարտիկների միությունը մշտապես պատրաստ է աջակցելու արցախյան գոյապայքարի մասնակիցներին ՝ դառանալով նրանց համար ոչ միայն թև ու թիկունք, այլև մեր այսօրվա և վաղվա լինելության գրավականը:
