Արցախի ազատամարտիկների միության նախագահ գեներալ-մայոր Սամվել Կարապետյանի շնորհակալագիրը Ռուսաստանի Դաշնության Վիցիզնոյի հայկական համայնքի նախագահ Մարտուն Յուրիի Մալխասյանին

Ձեր առաքինի վարքն ու հայրենանվեր գործունեությունը ևս մի անգամ վկայում է, որ արտերկրում ապրելով անգամ, Դուք մշտապես ուշադրության կենտրոնում եք պահում Արցախյան գոյապայքարի մասնակիցների ապրելակերպն ու առօրյա հոգսերը:

Արցախի ազատամարտիկների միության վարչությունը բարձր է գնահատում Ձեր առաքինի վարքն ու գործունեությունը և շնորհակալություն ու երախտագիտություն  հայտնում Ձեզ և Վիցիզնոյի հայկական համայնքին՝ Արցախի ազատամարտիկների և զոհված ազատամարտիկների ընտանիքի անդամներին ծովափնյա վայրերում հանգստանալու նպատակով օժանդակություն և աջակցություն ցուցաբերելու համար:

Մաղթում եմ Ձեզ և համայնքի մեր հայրենակիցներին առողջություն, հաջողություն և բեղմնավոր գործունեություն: Հուսով եմ, որ այս համագործակցությունը կդառնա ավանդույթ:

 

Արցախի ազատամարտիկների միության նախագահ գեներալ-մայոր

Ս. Ջ. Կարապետյան