ԱԱՄ նախագահ գեներալ-մայոր Սամվել Կարապետյանի շնորհավորական ուղերձը ԼՂՀ անկախության 29-րդ տարեդարձի առթիվ

Անկախության տոնը մեր ժողովրդի ոգու և կամքի հաղթանակն է:

Անկախության գոյապայքարը մեր ժողովրդին տվեց ոչ միայն ազատություն, այլև սեփական ճակատագիրը տնօրինելու իրավունք և հնարավորություն:

Հայ ժողորդի պատմական ուղին եղել է դժվար, բայց չնայած այդ ամենին, հայը միշտ պայքարել և մարտնչել է, հաստատելով իր ինքնությունը և անաղարտ պահելով իր ազգային նկարագիրը:

29 տարի առաջ մեր ժողովուրդը հռչակելով Լեռնային Ղարաբաղի անկախ հանրապետություն, արտահայտեց ազատ ու անկախ ապրելու իր կամքը: Հիրավի, որքան վսեմ է մի ժողովրդի հասկացողությունը հայրենիքի մասին, այնքան զորավոր է նրա երկիրը, նրա հայրենասիրությունը:

Արցախյան գոյապայքարում մեր քաջորդիները բազմիցս ապացուցել են, որ հայ մարտիկի ոգին անկոտրուն է:

Գլուխ խոնարհենք Արցախյան գոյապայքարում մարտիրոսված հերոսների հիշատակի առաջ:

Հող-հայրենին փրկած ազատամարտիկն այսօր կերտում է Երկրի ապագան: Իսկ այդ ապագան միշտ լինելու է հուսալի ձեռքերում, որովհետև ազատության և անկախության խորհուրդն ըմբռնած ժողովուրդը ստեղծել է նաև մարտունակ ու հզոր բանակ, հայոց պետականություն, հարուստ և զորեղ մշակույթ:

Հայրենակիցներ, ի սրտե և ջերմորեն շնորհավորում եմ Ձեզ՝ Լեռնային Ղարաբաղի Հանրապետության  հռչակման 29-րդ  տարեդարձի առթիվ և մաղթում հաջողություն, երջանկություն և հայրենանպաստ նորանոր ծրագրերի իրականացում:

Փա՜ռք Երկրի անկախության համար մարտիրոսված քաջորդիներին:

Փա՜ռք հայոց  բանակին:

Փա՜ռք հայ ժողովրդին, որ վստահաբար կերտում է իր ապագան: